Razavi Darul Ifta Ahlus Sunnah

سوال:از مولانا سیل رضا رامپور کیا فرماتے ہیں علمائے دین اس مسئلہ میں کہ کسی مسلمان کی قبر گر جائے تو اس پر مٹی ڈالنے کاصحیح طریقہ کیا ہے ؟ جواب عنایت فرمائیں۔ الجواب بعون الملک الوهاب :۔ اگر کسی مسلمان کی قبر گر جائے تو ڈال کر اسے درست کرنا جائز ہے اور اسکا صحیح طریقہ یہ ہے کہ سطح زمین پر پہلے بانس یا لکڑی کے تختے اور اوپر سے چٹائی وغیرہ کوئی چیز بچھاکر مٹی ڈالیں تاکہ میت کی بےحرمتی نہ ہو اور قبر کا نشان باقی رہے کہ یہ احترام مسلم ہے اور بغیر تختے یا کسی ایسی چیز کے جو حائل ہو مٹی ڈالنا جائز نہیں کہ یہ میت کی بےحرمتی ہے ۔جیسا کہ عالمگیری میں ہے واذا خربت القبور فلا باس بتطيينها كذا في التاتارخانية وهوالاصح عليه الفتوى كذا في جواهر الاخلاطی(جلد اول صفحہ ١٦٦)۔اور تاتارخانیه میں ۔واذا خربت القبور فلا باس بتطيينها اهـ ملخصاً (جلد 3 صفحہ ۷۲)والله تعالى اعلم بالصواب کتبہ عبدالقادر منظری مقیم حال موریشس (افریقہ)  ۱۳ ربیع الثانی ١٤٤٤ هـ بروز منگل

 سوال : آنکھ میں پانی ڈالنے سے یا پانی چلا جانے سے روزہ ٹوٹ جاۓ گا یا نہیں؟ باسمہ تعالی وتقدس والصلاۃ والسلام علیٰ حبیبہ الکریم الجواب بعون الملک الوہاب  سب سے پہلے آپ یہ جانۓ  ایک ہوتا ہے مسام اور ایک ہوتا ہے منفذ ۔ مسام جسم کا وہ سوراخ جس سے پسینہ نکلتا ہے جیسے جسم پر جو بال ہوتے ہیں انکی جڑ میں جو سوراخ ہوتا ہے اسکو مسام کہتے ہیں ۲ منفذ راستہ کو کہتے ہیں جیسے ناک کا سوراخ منہ کا سوراخ وغیرہ  یہ منفذ ہیں لہذا جو منفذ ہیں جیسے منہ ناک وغیرہ انکے ذریعے اگر کوئ چیز بدن میں ڈالی تو روزہ ٹوٹ جاۓ گا ۔ اور مسام کے ذریعہ کوئ چیز بدن میں گئ تو روزہ نہیں ٹوٹے گا جیسے ناہتے وقت  بالوں کی جڑ میں جو سوراخ ہیں انکے ذریعہ پانی بدن کے اندر چلا جاتا ہے لیکن اس سے کسی کے نزدیک بھی روزہ نہیں ٹوٹتا  پھر آنکھ میں دوا ڈالنے سے روزہ ٹوٹے گا یا نہیں خود اس سلسلے میں علماۓ کرام کے  دو گروہ ہیں علماۓ کرام کی ایک جماعت یہ کہتی ہے روزہ کی حالت میں آنکھ میں دوا ڈالنے سے روزہ ٹوٹ جاۓ گا جبکہ علماۓ کرام کی دوسری جماعت یہ کہتی ہے کہ روزہ نہیں  ٹوٹے گا ۔ اکثر حضرات کہنا یہی کہنا ہے کہ روزہ نہیں ٹوٹے گا

 سوال : جماع کے دوران شرمگاہ کو دیکھنے سے بچہ اندھا پیدا ہوتا یا بالکل برہنہ ہونے سے بچہ بے حیا پیدا ہوتا ہے کلام کرنے سے بچہ گونگا پیدا ہوتا ہے تو کیا صحیح ہے یہ جماع کے دوران ہے یا ویسے بھی ہے؟ باسمہ تعالی وتقدس والصلاۃ والسلام علی حبیبہ الکریم الجواب بعون الملک الوہاب۔ زوجین جس طرح چاہیں جماع کر سکتے ہیں بشرطیکہ دبر میں نا ہو کہ یہ ناجائز و حرام ہے شریعت مطہرہ میں وقت جماع کے کچھ آداب ہیں مثلا بقدر ضرورت ستر کھولا جاۓ اس وقت شرمگاہ پر نظر نا کی جاۓ بالکل برہنہ ہوکر جماع نا کیا جاۓ جیسے جانور جماع کرتے ہیں  صورت مسولہ میں جماع کے دوران شرمگاہ کو دیکھنے سے بچہ اندھا پیدا ہوتاہے یا برہنہ ہوکر جماع کرنے سے بچہ بے حیا پیدا ہوتا ہے یا نہیں اس سلسلے میں فقہاۓ کرام نے ارشاد فرمایا وقت جماع شرمگاہ کی طرف دیکھنے سے بچہ یقینی طور پر اندھا پیدا نہیں ہوتا بلکہ اندھا پیدا ہونے کا اندیشہ ہوتا ہے اسی طرح بالکل برہنہ ہوکر جماع کرنے سے بچہ بے حیا پیدا ہونے کا اندیشہ ہوتا ہے اسی طرح وقت جماع کلام کرنے سے  بچہ کا گونگا پیداہونے کا اندیشہ ہے یہ بالکل درست ہے آداب جماع سے متعلق تقریبا تمام کت

 سوال۔ کسی شخص نے وقت غسل پورے بدن پر پانی بہا دیا پر پر کلی أور ناک میں پانی نہیں چڑھایا اسکو ٹائیلیٹ جانا ہوا بعد فراغت اسنے ناک میں پانی چڑھایا أور کلی بھی کی تؤ کیا اسکا غسل ہوگا؟ باسمہ تعالی وتقدس والصلاة والسلام على حبیبہ الکریم۔ الجواب بعون الملک الوہاب۔  غسل کے فرائض میں ترتیب یا پے در پے کی رعایت صرف سنت ہے ، فرض یا واجب نہیں ہے ؛ لہٰذا جو شخص وقت غسل پورے بدن پر پانی بہا چکا البتہ کلی اور ناک میں پانی نہیں ڈالا دوران غسل اسکو ٹوالئیلیٹ  جانے کی حاجت ہوئی بعد فراغت اس نے کلی کی  اور ناک میں ناک کی نرم ہڈی تک پانی پہنچا دیا ہو تو اسے دوبارہ از سر نو غسل کرنے کی ضرورت نہیں، صرف کلی کرلینا اور ناک میں پانی ڈال لینا کافی ہے  وسنن الوضوء…والترتیب…والولاء…ومثلہ الغسل والتیمم (الدر المختار مع رد المحتار، کتاب الطھارة، ۱: ۲۱۸- ۲۴۶، ط: مکتبة زکریا دیوبند) ، قولہ: ”ومثلہ الغسل والتیمم“: أي: إذا فرق بین أفعالھما لعذر لا بأس بہ کما فی السراج، ومفادہ اعتبار سنیة الموالاة فیھما (رد المحتار) ۔ أخرج البیھقي بسندہ أن عمر بن الخطاب رأی رجلاً وبظھر قدمہ لمعة لم یصبھا الماء، فقال لہ